منى ....اليك

دعني اقتل شوقى اليك

واعدم الحب ظلما

واهدم ما بنيناه فى ليلة...من قصور الرمال

دعنى اصادر الامنيات

واغتال العشق

واهزم جيوشا ادرك بقلبى...انها ... وحي الخيال

فقد كنت احسب... اننى ما زلت على شطك اقف...

وان الابحار فى عمقك... ضرب من المحال

,,,,,,,,

قد حملت الحب...الي باقة زهر اسكرتنى...

عطرا و عبيرا

فاسكنتها ... فؤادى حنينا...

اشتاق له عمرى...كثيرا...كثيرا

فتعانقت انفاسنا وانساب الحب جدولا ...رقراق بيننا

وغنى الزمان ...تيها

وقد كان بالامس ...يشقينا

وهل الربيع ... بقفرنا

فجفت من الأدمع ... الحيرى مآقينا

وغرد البلبل الصداح

بصدى ...اغانينا,

,,,,,,,

ما زال الخوف يسكننى

يقتلنى

يدمينى

لاننى اشتقت ... اليك... لحظة

فانا فى حيرة من امرى

اسال الشوق ... مرارا... و تكرارا

هل سيشتاق قلبى اليك...

بعد الآن؟؟؟؟؟

!!!!هواية غريبة

بمناسبة ان نتائج الثانوية-اعادها الله علينا وعليكو بكل بخير-قربت تنزل قلت انا واصحابى ننزل نفقر على شوية من معارفنا فى ثانوية ,, ونبشرهم بالخير من آخرها يعنى كنا نازلين نهدى النفوس.

أول جولة كانت عند واحد اعرفه رحنا شربنا الشاى واتضايفنا تمام و واحنا بنشرب الشاى سألته وبرآءة الأطفال فى عيني :ألا صحيح انت عملت ايه فى امتحاناتك؟ سبع ولا ضبع؟

والواد يا عينى سمع السؤال من هنا ووشه جاب ألوان من هنا والشاى وقف فى زوره و منزلش و حاجات غريبة كده وراح قايل:ليه بس العكننة دى عالصبح؟

سبحان مغير الاحوال الواد ده من 3 سنين بالظبط كانت هوايته انه يقف فى بلكونة بيتهم -اللى قدام مدرسة ثانوى-ويقعد يتريق عاللى وشهم باين عليه ان النتيجة فل زى ما الورقة كانت فل بردو ,, وياما قولتلو ونصحتو يابنى يا ضنايا لا مفر يوما من الايام هتلاقى نفسك مكانهم .. بس مفيش فايدة ..بس طلعت بنتيجتين مهمتين أوى من الزيارة دى 1-انه مادامت الثانوية وراك وراك ولا محال يبقى ألحق استمتع بعمرى وممكن افكر فى اقتراح التريقة ده مين عارف؟

2- ممكن آخدها من قاصرها و اقعد فى البيت بعد اعدادية مين عارف بردو؟

يلا ربنا يوفقنى واوصل لقرار ولاخوانا المضطهدين فى الثانوية قلبى ههههههههههههههههههه -احم -معاكو ههههههههههههه امسكى نفسك هههههههه مش قادرة

بجد ربنا معاكو

فضفضة عالماشى

مش عارفة ليه الأيام اللى فاتت دى كنت حاسة انى مخنوقة ومش طايقة حد, بجد والله مش هزار ومش عارفة سبب لكده ....

وحاسة انى لو ما اتكلمتش هاموت,,و حاسة أنى لوحدى فى الدنيا ومفيش حد بيساندنى ويحمينى أول مرة أحس بالاحساس ده بالرغم من انى اتعرفت على ناس كتير وبقى ليا نشاط اجتماعى ,,وحتى الشخص اللى كان زمان قريب ليا مش عارفة ايه اللى حصل له؟؟اتغير أوى ومبقاش هو اللى أنا كنت أعرفه وحاسة أن مشاعرى اتغيرت ناحيته.

مش عارفة في ايه؟بقيت بمشى فى الشارع مستغربة من الناس ومن نفسى ومن الدنيا كلها وبسأل نفس السؤال (هو أنا اتغيرت؟ولا الدنيا هى التى اتغيرت؟)بجد مش عارفة ايه السطل اللى جالى فى دماغى ده!!!بقيت حاسة انى عايزة ابقى واضحة وصريحة ومعنديش حاجة أخبيها .

واللى حاسه ناحيته بحاجة أقوله واللى حاسس ناحيتى بحاجة يقولها ,عايزة ابقى محددة هدفى وواضحة مش تايهة بلف وأدور انا طول عمرى صريحة ,بس مش واضحة ومحددة ,, والفترة اللى فاتت دى اكتشفت انى لازم أحدد اهدافى

على الله بس ما تدايقوش من الموضوع الغتت ده بس انا بجد كنت محتاجة اطلع اللى جوايا أحسن أفرقع وانتو ما يرضيكوش أفرقع طبعا

...اليك

اليوم أحط رحالي عند بابك .... وانفض غبار النسيان الذي اجتاح عمري اليوم... أقدم اعتذاراتى... و اعرض بين يديك كتاب اعترافاتي ... اليوم... أقف أمامك بلا قوتي الواهية ... وثورتي الكاذبة ... وزيف بطولاتي ... الشهيرات... .............. إليك أيها الرجل الذي حطم حواجز جبني ... واخترق حصن الخوف الرابض في كياني فدمر أسواري ..... وكسر أغلالي ..... وفجر براكين الشوق الثائر في محيطاتي ... .............. إليك يا من حاصرتني ثورته .... وطوقني غضبه... وقهرني غروره... وهربت منه آلاف المرات .... .............. إليك يا من أختبئ من مواجهة ضعفه وقوته .... فأنا أدرك.... أن ضعفه جنتي.... و قوته ناري... وآها تى..... .............. أنت يا من اقتلع خنجر الألم المغروس في جراحا تى ... وكفكف أنهار الدمع التي في ثناياها... غرقت .. واغرقت معى ... طموحاتى .............. أنت...يا من بخياله اعادنى إلى واقع أيامي و حياتي ... وصاغ لي من فكره جناحان حملاني.... إلى عالم كان ..في ما مضى سجني... ومأوى نزاعا تى .............. احبك وأكرهك....وأكرهك وأحبك ... هذا حالي معك... مذ سرى سحرك بين طيات رغباتي.. المحتضرات

...............

اليك ......اكتب واتمنى

....اليك

أول تاج ليا يا هوووو

تاج معديلى من وشوشنى ,,بس أحسن حاجة فيه ان كتابته قليلة :نبدأ انت شبه مين من القادة؟؟!! والله طول عمرى بحب الراجل ده لله فى لله!!

What Famous Leader Are You? personality tests by similarminds.com

..............

انت شبه انهى فيلم كلاسيكى؟؟

بئا أنا شبه ده, ليه؟؟

والنبى ياجماعة لو حد عارف الفلم ده يقولى

What Classic Movie Are You? personality tests by similarminds.com

..........

؟؟friendsانت مين من أبطال

ههههههههههههههههههههه

مالقوش الا ده(جوى) ليه بس كده

وبالنسبة لموضوع تمرير التاج أمرره ل صفصف مان sfah_karmooz مش عارف

!!!!مغامرات فى طرائق المدينة -ال مغامرات ال-

النهاردة كان آخر يوم في امتحاناتي وياااااااه عالراحة اللي أنا كنت حاسة بيها وانا خارجة من اللجنة بنت ال(.....) والمراقبين بيبتسمو ابتساماتهم الصفرا دى اللى تطلع الواحد من هدومه –وهنبقى نتكلم عن موضوع المراقبين ده بعدين- ,,, المهم يعنى الواحد ما كانش مصدق انه خد اطلاق سراح اخيرا وشم نفسه ,بعد 21 يوم من العذاب الاليم.. اتفقت انا وشوية عيال اصحابى اننا نعيث فى الارض فسادا ونجيب عاليها واطيها ,,,يعنى من الاخر نقضيها روشنة طحن عالاخر . كنا حوالى 13 وطبعا اصحابى من مؤيدين حزب(عضنى ولا تعض رغيفى) من الجماعة اللى همهم على بطنهم يعنى..,, وكان معانا اخو صاحبتنا –اسمه أحمد واد عسل كده فى سنة 6-هو صحيح طيب بس لما الأكل حضر حسيت ان هو كمان من مؤيدى الحزب اياه!!!! المهم يعنى انو بعد خناقات ومفاوضات وبعض الركلات اتفقنا ان احنا نروح مطعم مشهور(.....) ويا ريتنا ما روحناه ولا خطيناه. ليه؟ بتسألو ليه؟ صبركو كلو جاى فى الطريق ,, المهم طبعا دخلنا المطعم اياه وتمجلسنا وبالشعوب الجعانة اللى معايا دى اتطوع الواد الغلبان –اخو صاحبتى- انه يقوم يطلب ,هو مشكور والله بس هو ما كانش عارف الذل اللى مستنيه ومستنينا معاه وانا احب فى المناسبة دى انى اقدمله خالص اعتذارى .. طبعا عقبال ما قعدنا أدى ورصينا تربيزتين جنب بعض آدى ساعة الا ربع بلا مبالغة ,,, لا وإحنا قعدنا من هنا وشغل البنات والنميمة والحاجات اللى ما يعلمها الا ربنا بدات من هنا. طبعا كل واحدة عايزة انها تطلب بسرعة –افتكروا الحزب ها - والواد بيشد في شعره وطبعا اتذلينا في الحسابات ودفع الفلوس حوالي ساعة كاملة والله ,,لدرجة إن الموظفين زهقوا مننا –شغل بنات بقا- لحد ما طلبنا وأكلنا ,,,, والواحد حس براحة البال أخيرا. وبعد أما خلصنا بنبص لقينا بقدرة قادر البنات اللي كملونا13 لسه هيطلبو..... انتو فاكرين نفسكو هتترحموا والله لأكملها لكم بس بعدين عشان تعبت استنونى....

شى ء غريب

....لطالما كنت بعيدا,,حتى فى احلامى ....ولطالما حاولت الاقتراب منك,,وبكيت من اجلك ...لكنك لم تعرف ابدا سبب بكائى,,ولم اعرف لم لم تعرف؟ .ربما لانها من سنن الحياة الا يعرف الرجل ابدا حين تبكى المرأة من اجله... ....وربما لانك لم تعرف حقيقتى ابدا ...ولم اعرف حقيقتك ابدا ...لكنى ادركت من انت حين ابتعدت ...وعرفت قيمتك حين بحثت خلفى فلم اجد نظراتك تراقبنى والان فقط ادرك,,واعرف.... ....اننى مهما رحلت ,ومهما بحثت ...فلا يرضينى ان استعوض بعبق الف زهرة عن شذاك ولا باجمل منظر فى الكون عن منظر شعرك المتماوج مع الريح. الان اقول وتقول... ...وغدا اقول وحدى ....فوداعا